تاریخ مباحثہ لاہور | محمد ثاقب رضا قادری | Tarikh mubahasa Lahore

تاریخ مباحثہ لاہور ۲۵ اگست ۱۹۰۰ء

اسلامیان ہند کی قیادت کرتے ہوئے عارف باللہ پیر سید مہر علی شاہ گولڑوی رحمۃ اللہ علیہ ایک سو اکیس سال قبل آج کے دن شاہی مسجد لاہور میں تحریری مباحثہ کے لیے تشریف لائے۔ آپ کے ساتھ علماء و مشایخ کی ایک کثیر جماعت تھی نیز دُور و نزدیک کے اہل علم اور عوام اس تاریخی مباحثہ میں شرکت کے لیے لاہور کی شاہی مسجد میں حاضر ہوئے تھے۔ اس تاریخی مباحثہ کا اہتمام خود مرزا غلام احمد قادیانی کی دعوت پر اُس کی بیان کردہ شرائط پر ہوا تھا۔ مرزا قادیانی نے پیر صاحب کو تاریخ مباحثہ مقرر کرنے کا اختیار دیا تھا جس کے مطابق پیر صاحب ۲۵ اگست ۱۹۰۰ء مقرر کرتے ہوئے ایک دن قبل لاہور آ گئے۔ پیر صاحب نے مرزا قادیانی کی دعوت مباحثہ کے جواب میں پیشین گوئی کی تھی کہ عین وقت مباحثہ پر آپ کو الہام سکوتی ہو جائے گا۔ لیکن مرزا قادیانی تو اسی وقت سکتہ کے عالم میں چلا گیا جب اس کو پیر صاحب کا قبولیت دعوت کا اشتہار مورخہ ۲۵ جولائی ۱۹۰۰ موصول ہوا۔ اس تاریخ سے ۲۸ اگست ۱۹۰۰ء تک مرزا قادیانی پر سکتہ کا عالم طاری رہا اور اس کو پیر صاحب کے مقابلہ پر آنے کی جرات نہ ہو سکی۔

پیش نظر کتاب اس مباحثے کی مکمل کارروائی کے متعلق تاریخی حقائق پر مشتمل ہے۔